Si qualca sera, quand’è quasi scur,
ch’ ‘l sol, giù, dietra al mont d’l Mor,
ha dat’ sotta già,
t’ metti a sed e guardi,
vedi.

Vedi la nottula
ch’ s’è sveghiata adè,
ch’ vola a sbalzi,
e par ch’ ‘n sà co vol,
vedi la bendula ch’ gira
e già è imbriaga
p’r ch’la lucina
d’la candela
ch’è guasi mezza smorcia,
ormai,
vedi la luna, senti la campana
ch’ sona ‘l vespr,
e i passeri ch’ invec vann a durmì
e fann’ ch’la gacigoria.
Alora, pensi.

Pensi ch’ ‘l temp già è pasat,
e pò ch’ no, ch’ nun è vera nient,
nun passa ‘l temp,
mai.
Adessa, p’r esempi,
t’ par ch’ s’è f’rmat,
e senti
ma ch’la lagrima, ch’ spegn’,
ch’ vol’ sgapà fora.
Dai. Se voi piagn’, piagn’,
ch’ tant ‘n c’è nisciun machì
sta sera.

E piagni alora,
pian pianin,
ma nun poi dì ch’ senti un dispiacer,
nun c’hai na pena adè,
anzi,
anca si nun ‘l sai
co è, co pudria ess,
t’ par, t’ par’ria,
adessa, guasi,
d’avecc l’anima,
t’ senti più lizier
più d’licat,,
davera,
e anca si la faccia
è tutta molla già,
la lassi stà la lagrima,
ch’ nun la voi sciucà,
p’rché nun t’ v’rgogni
più, d’ gnent.
Piagni e t’arcordi.

T’arcordi d’ ch’l fiol sa i calzuncinni,
d’ com curiva fort,
e a culmò fort ch’ guasi
‘l cor pareva ch’i vuless
sgapà fora,
ma alora lu curiva ‘ncò ‘d più,
curiva
giù in discesa, ‘ntra la sulla,
p’rché era matt d’ voja d’ nicò
e s’ incantava anca a guardà na foja,
‘n fich,
‘n cepp d’ marulla.

Dio, Crist,
è adè,
è machì,
nun è pasat nient, sei tu ch’l fiol,
sei sempr’ tu e ‘l temp nun passa,

la nottula, la bendula,
ènn sempr quell,
‘d jera, ‘d l’altr’jera,
d’ na stumana, d’ cent’anni fa.

Dio sai ch’ nun c’è,
p’rò t’ piac’ria
ch’adessa s’ metess a sed machì,
vicina a te e facc do parol,
o si no anca tutti do a sta zitti,
a sta sentì ‘l vers d’ la ciuvetta
ch’ propi adè cumincia
i giri sua.

Staristia ben’ inscen tu e Dio,
ch’ormai t’ par
ch’ nun c’è propi nient
che tu nun poi capì o sapé,
e po’ ch’ da sapé e capì c’è pog:
la luna ch’ fa luc,
la cerqua ch’ s’ mov, apena,
sa la brezza,
na benbula che gira matta,
e un fiol ch’ corr
e corr e intant è a sed
e guarda e pensa
e ved

e quel ch’ ved pensa
e quel ch’ pensa ved.

Gigetto del Borg

Posted by Michele on lunedì, dicembre 4th, 2006 at 10:54 pm.