La rotonda è bella’m-lpò
malà su’ ch l mar,
è ’n d’i più bei giuej
ch’cià sta città.
E’ ‘n diamant rar incastrat malà
‘ ntra ‘l ciel e ‘l mar,
ch’ invell ‘ n’altra bella culmò
s’ pol trovà.
Ma la rotonda ’nn’è più
com’era tant’anni fà
quand’era la regina
d’ tutt l’adriatich è ’l vant
d-la spiaggia d’ v-lut,
ch’com calava la sera
pian ,pian lia tutta s’iluminava.
O quant la luna pina
ch’d’malassù tutta l’inarg-ntava
i dava ch l cert suchè d’ mister,
ch’t’ pareva ‘na gran dama
ch ambiziosa ‘n-t ch’l mar lisc’
s’ sp-chiava .
Ma n-t l’ s-rat d’gran gala
era d’na b-lezza
ch’ nn s’ pol descriv,
sluccigava giù giù
longh tutta la marina,
e d’ tanti bei ragazz-i s’ rimpiva.
L’orch-strina sunava
acumpagnand ‘l cantant
ch’sa clà voc m-ludiosa
cantava l’ più bell
canzon d’ch’ì tempi.
E ch l’ragazz-e
sa ch’ì v-stiti bei’ m-lpò
ch vult-giavan l-ger
n-t’ i bracc d’i cavaglir.
E’ n-t ch l nott magich culmò
nasceva s-mpr calch nov amor.
e malà dentr n’èn nati ‘m-lpò.
Quant prumess, quant-i giurament,
e in quanti s’ saran ditt :
“Io t’amerò p-r s-mpr.”
E po’d’ bott è finit anicò
La rotonda su ch l mar
n’ ha slucigat più
adè par ‘n bel fior c ‘ha pers ‘l culor.
Ch-ssà se’ n giorn
arturnerà a slucigà
propi com’era tant’anni fà.

Maria Pia Marchetti

Posted by Michele on mercoledì, gennaio 10th, 2007 at 11:30 pm.