C’hai ‘n fiol d’linquent’, culmò dic’ la gent’,
c’hai ‘n fiol d’linquent’ ch’ nun vol fatigà,
ma tu ch’ d’ fàtiga c’ sei bell’e che mort,
“lassa ch’ digga la gent” ‘n i la fai propi a dai tort.

‘L vai a ved la matina ch’ d’ fora ‘ncò è scur
e nun è malament, Dio Crist! Sei sigur.
E si anca fuss’ vera ch’è stat a rubà
ma te ‘n t’ n’importa, tant è ugual e s’ sà

che d’ gent’ ch’ ha rubat sai quanta c’ n’è!
‘N han rubat ch’i signori sa ch’l machin’ longh’?
‘N t’ha rubat la vita ch’la madonna infilzata
ndo’ fatighi dai tempi ch’anco’ eri ‘n fiulin?

La strachezza ch’ senti quei malì ‘n l’han pruvata,
lora, adè ch’ tu t’arlèvi, è capac’ ch’ s’indurment’n.
Fora è scur’ una mucchia, nicò ner com la pec’,
tu l’arguardi st’ fiol e i vurissi dà un bag’

e braciall’ e tucall’, ma tu l’ sai ch’ tant invec’
l’arv’drai po’ stasera, sol a l’ora d’ cèna,
‘n i dirai na parola e lu manch t’ guardarà.
Si, tu sei com ch’la rondula ch’hai vist’ iermatina

da per lia, nera, butta su ch’l fil d’la curent,
stai machì, ‘nt’ra sta vita, sei butat anca tu,
guardi i alb’ni, i nuguli, senti ‘l sol, senti ‘l vent,
e nun c’hai nient da dì, né da god, nient, più.

Gigetto del Borg

Posted by Michele on domenica, gennaio 28th, 2007 at 3:17 pm.